هاجم الفنان المصري حسن شاكوش، الأشخاص الذين يطلون عبر “تيك توك” ويقدمون فيديوهات غير لائقة، وقال لهم: “انتم زودتوها أوي وخليتوا اللي ما يشتري يتفرج، خليتونا شكلنا برا وحش واتفضخنا، وبيقولوا قاعدين بيشحتوا على التيك توك، خليتونا ولا لينا شكل ولا منظر ولا أي حاجة في المجتمع”.
وأضاف حسن شاكوش خلال حديثه في بث مباشر عبر صفحته الخاصة: “للأسف بقى في شباب وبنات يدخلوا معاهم في لايف عيال شـو ـاذ، والتيك توك بدء يبقى فيه عيال أشكال وألوان كتير جدًا للأسف، ومن مصر، وبيقولوا ألفاظ عمري ما سمعتها في حياتي، وعندنا بنات وسيدات محترمة مينفعش تسمع الكلام ده، وللأسف واخدين الموضوع بهزار وضحك”.
